System Unit ဆိုတဲ့ System ပုံးကြီးမှာ Power ကျွေးဖို့အတွက် Power Supply မှာ Power Port ပါမယ်။
MotherBoard မှာဆိုရင်
( 1 ) PS2 Port
( 2 ) USB 3.0
( 3 ) VGA
( 4 ) USB 3.0
( 5 ) Network Port (or) Ethernet LAN Port (or) RJ 45 Port
( 6 ) Sound Port (Microphone, Line in, Speakers )
( 7 ) DVI
( 8 ) HDMI
( 9 ) USB 2.0
PS2 Port
MotherBoard မှာ အရင်က Keyboard, Mouse တွေက အခုလို USB Port နဲ့ မလာခင်က PS2 Port အသုံးပြုခဲ့ရတယ်။ PS2 မှာ အရောင်လေးနဲ့ ခွဲခြားထားတယ်။ ခရမ်းရောင် နဲ့ အစိမ်းရောင်ဆိုပြီး ခရမ်းရောင်က Keyboard , အစိမ်းရောင်က Mouse ပေါ့။ အလွယ်မှတ်ရင်တော့ ကြွက်စိမ်းပေါ့။ ( PS2 Keyboard တို့၊ PS2 Mouse တို့ တပ်တဲ့အခါ ကွန်ပျူတာ ပါဝါမဖွင့်ခင်ကတည်းက တပ်ထားမှ Keyboard, Mouse တို့ စက်က သိတာပါ။ အခု USB Port တွေက Window တတ်ပြီးမှ Keyboard, Mouse တပ်ဆင်လည်း USB Driver သိရင် စက်က Keyboard, Mouse တို့ တန်းသိပါတယ်။ )
USB 2.0 , 3.0
USB Port တွေကိုတော့ အားလုံးသိပြီးသားပါပဲ။ တစ်ခြားသော USB Port နဲ့ Device တွေလည်း အများကြီး ရှိပါတယ်။ ထင်သာမြင်သာရှိတာလေးတွေက Keyboard, Mouse, Modem, Memory Stick, Card Reader, External Hard Disk, External DVD Drive တွေမှာ ကွန်ပျူတာကို တပ်ဆင်အသုံးပြုကြတာတွေ မြင်ဖူးကြပါလိမ့်မယ်။ USB Port တွေမှာ အနက်ရောင်၊ အပြာရောင်လေးတွေ ခွဲထားတာ သတိထားမိရဲ့လား။ အနက်ရောင်ကတော့ USB 2.0 ကို သတ်မှတ်ထားသလို၊ အပြာရောင်ကတော့ USB 3.0 လို့ သတ်မှတ်ထားတယ်။ ဘာကွာလဲ USB 2.0 က Data Transfer Rate က 480 Mbp အထိ ရှိပြီး USB 3.0 ကတော့ Data Transfer Rate က 5 Gbp အထိ ရှိပါတယ်။ ဒီနေရာ ပြောစရာလေးတစ်ခုက USB 2.0 နဲ့ USB 2.0 ဆိုရင် 480 Mbp လောက်အထိ ဆွဲမယ်ပေါ့။ USB 3.0 နဲ့ USB 3.0 ဆွဲမယ်ဆိုရင် 5 Gbp အထိ Data Transfer လုပ်ပါမယ်။ USB 3.0 ကနေ USB 2.0 ဆိုရင်တော့ USB 2.0 Speed နဲ့ သွားပါမယ်။ ( ဥပမာ - လူကြီး နဲ့ ကလေး လမ်းလျှောက်ရင် လူကြီး ဘယ်လောက်မြန်မြန်လျှောက်လျှောက် ကလေး လမ်းလျှောက်နှုန်းကို စောင့်ပြီး သွားရသလိုပဲ )
VGA
Monitor မျက်နှာပြင်မှာ ဆော့ဝဲလ်တွေကို မြင်ဖို့အတွက် System Unit နဲ့ Monitor ချိတ်ဆက်တဲ့အခါ အသုံးပြုတဲ့ ကြိုးကို VGA Cable လို့ ခေါ်ပြီး တပ်ဆင်ရတဲ့ အပေါက်ကိုတော့ VGA Port ဟု ခေါ်ဆိုကြတယ်။
HDMI ( High Definition Multimedia Interface )
ကွန်ပျူတာ Software Icon, Video တွေ ရုပ်ထွက်ဖို့အတွက် အရင် VGA ကနေ အခုဆို HDMI Cable တွေ ပြောင်းသုံးလာကြတယ်။ ရုပ်ထွက်တွေ ပိုကောင်းလာတယ်။
Network Port (or) Ethernet LAN Port (or) RJ 45 Port
Motherboard နောက်ဖက်မှာ Network Cable တွေ တပ်ဆင်ဖို့ Network Port လေးတွေ ပါပါတယ်။ ကွန်ပျူတာမှာ Internet ရဖို့အတွက် Network Cable ထိုး အသုံးပြုကြသလို၊ ကွန်ပျူတာ တစ်လုံးနဲ့ တစ်လုံး Data Sharing လုပ်တဲ့ အခါ Network Cable နဲ့ ချိတ်ဆက်အသုံးပြုကြတယ်။ ကျွန်တော်တို့မှာ Printer က တစ်လုံးပဲ ရှိတယ်။ အလုပ်က ကွန်ပျူတာ သုံးလုံးလောက်က အဲဒီ Printer တစ်လုံးကို လှမ်းထုတ်ချင်တဲ့အခါ Network Cable ကို အသုံးပြု၍ Network Port မှာ တပ်ဆင် ချိတ်ဆက်ရပါတယ်။ တစ်ခြားသော Network Port တွေနဲ့ လုပ်ဆောင်နည်းတွေ အများကြီးရှိပါတယ်။ ထင်သာမြင်သာနဲ့ မြင်တွေနေကြလေးတွေ ပြောပြပေးလိုက်တာပါ။
Sound Port ( Microphone, Line in, Speaker )
Motherboard နောက်က Port တွေထဲမှာ Sound နဲ့ ပတ်သက်တဲ့ အပေါက်လေးတွေ ပါပါတယ်။ Micro Lab Speakerလေးတွေနဲ့ သီချင်းနားထောင်ဖို့ Speaker Port လေးတွေ ပါမယ်။
Line in Port ကိုတော့ အသုံးများတာက တရားပွဲတွေ၊ ဆိုင်းပွဲတွေမှာ တစ်ခြားအသံမပါစေချင်တဲ့အခါ Line in Port တွေကနေ အသံကို ဖမ်းယူကြတယ်။
Computer Screen Record ဖမ်းတဲ့ Microphone လေးတွေ အသုံးပြုရတယ်။
Parallel Port
အရင် Printer တွေကို USB Cable တွေနဲ့ မချိတ်ဆက်ခင်က Parallel Port ကို အသုံးပြုကြရတယ်။
နောက်ပို့စ်လေးကို ဆက်မျှော်တာပေါ့
အဆင်ပြေပါစေ
ကျောက်ဆည်သားလေး
0 မှတ်ချက်:
Post a Comment